Dünyada nə qədər varlı insan var və harada yaşayırlar? - FOTO
“Forbes” dərgisinin dünyanın ən varlı insanları ilə bağlı hazırladığı 2020-ci il siyahısına 2095 milyarder daxil olub.
“Forbes” milyarderlərin yaşadıqları şəhərlərin siyahısını təqdim edib.
Nyu-Yorkun ən varlı sakini keçmiş mer “Bloomberg LP”nin yaradıcısı Maykl Blumberqdir. Onun var-dövləti 48 milyard dollar dəyərindədir. Maykl ABŞ-da prezident seçkiləri zamanı namizədliyini irəli sürmüş və bunun üçün 1 milyard dollar xərcləmişdi.
Nyu-Yorkun varlı sakinləri sırasında ifaçı Jay-Z və “Koch Industries”in sahibinin dul arvadı Culiya Koh da yer alıb. Nyu-Yorkda yaşayan milyarderlərin var-dövlətinin birlikdə miqdarı 424 milyard dollar dəyərindədir. Ötən illə müqayisədə bu rəqəm 45,7 milyard dollar azalıb.
Siyahıda ən çox milyarderlərin yaşadığı ikinci ölkə Çindir. Honkonq Nyu-Yorkdan sonra ikincidir. Pekin və Şanxay isə dördüncü və altıncı yerdədir. Şencen isə yeddinci yerdə dayanır. Ölkədə yaşayan milyarderlərin var-dövləti 228 milyard dollardır.
Bu il varlılar şəhəri siyahısına Sinqapur da daxil olub. Ötən il şəhərdə milyarderlərin sayı 10 dəfə artıb. Sinqapurun milyarderləri siyahısına Forrest Li və Qan E daxil olub. Ötən il Sinqapurda 22, bu il isə 31 milyarder yaşayır. Onların var-dövlətinin ümumi dəyəri 95,3 milyard dollardır. Ən varlı sakin isə Çan Yundur. Onun var-dövləti 11 milyard dollardır. O, “Haidilao” restoranlar şəbəkəsinin sahibidir.
Siyahıda üçüncü Moskva şəhəridir. Burada 70 varlı biznesmen yaşayır. Onlardan birincisi Vladimir Potanindir ki, onun var-dövləti 19,7 milyard dollardır.
London isə ən çox varlının yaşadığı siyahıda beşincidir. Buradakı milyarderlərin sahib olduqları ümumilikdə 212,7 milyard dollardır. Ən varlı sakin isə var-dövləti 17 milyard dollar olan Len Blavatnikdir.
Siyahıda səkkizinci yerdə Mumbay dayanır. Buranın ən varlı sakini Mukeş Ambanidir. Onun 36,8 milyard dəyərində var-dövləti var. Ümumilikdə, Mumbay milyarderlərinin sahib olduqları 149,3 milyard dollardır.
Doqquzuncu yerdə San-Fransiskodur. 37 milyarderin yaşadığı şəhərin ən varlısı Dastin Moskovisdir. Onun 9,3 milyard dollar dəyərində mülkü var. Ümumilikdə isə buradakı varlıların 90,7 milyard dollar dəyərində var-dövləti var.
