ÜST Afrikaya görə narahatdır
Ümumdünya Səhiyyə Təşkilatının (ÜST) Afrika bölgəsi üzrə direktoru Matşidiso Moeti həyacan təbili çalıb.
Rakus.az xəbər verir ki, o, pandemiyanın malyariya ilə mübarizəyə mənfi təsir edərək ölümləri 2 dəfə artıracağını deyib.
M.Moeti mətbuat konfrasında bütün ölkələri malyariya ilə bağlı qabaqlayıcı tədbirlər görməyə çağırıb.
O, tədarük və paylanma şəbəkəsinin fəaliyyətinin dayandırılacağı halda Qara Afrikada (Böyük Səhradan cənubdakı Afrika) malyariya ilə bağlı ölümlərin ikiqat arta biləcəyini və belə olacağı təqdirdə son 2 000 ilin ən yüksək səviyyəsinə çatacağını vurğulayıb.
Ötən həftə Matşidiso Moeti ABŞ-ın təşkilata maliyyə dəstəyinin kəsməsinin Afrikada uşaq iflici, malyariya və QİÇŞ kimi xəstəliklərə qarşı olan mübarizəyə mənfi təsir edəcəyini açıqlamışdı.
ÜST-nin məlumatına görə, 2018-ci ildə Afrikada təqribən 360 000 nəfər malyariyanın qurbanı olub.
