COVID-19 ABŞ-da narahatlıq yaşadır
Birləşmiş Ştatlarda son sutka ərzində COVID-19 infeksiyasına rekord sayda – 47 min 341 yoluxma halı qeydə alınıb.
Rakus.az xəbər verir ki, ötən sutka ərzində ölkədə 663 nəfər koronavirus səbəbindən həyatını itirib.
Saytın Bakı vaxtı ilə bu gün saat 12:30-a olan məlumatına əsasən, ABŞ-da 2 milyon 553 mindən çox insan virusa yoluxub, 127 min 640 xəstə vəfat edib, 1 milyon 68 min 768 nəfər COVID-19 xəstəliyindən sağalıb. Hazırda müalicəsi davam edən 1 milyon 356 min 660 xəstədən 15 min 765 nəfərin vəziyyəti ağır qiymətləndirilir.
Xatırladaq ki, Çin hökuməti 2019-cu il dekabrın 31-də Hubey əyalətinin Uxan şəhərində naməlum pnevmoniyanın yayılmağa başladığı barədə Ümumdünya Səhiyyə Təşkilatını məlumatlandırıb. Mütəxəssislər xəstəliyə yeni koronavirusun səbəb olduğunu müəyyən edib və sonradan həmin xəstəlik rəsmən COVID-19 adlandırılıb. Martın 11-də Ümumdünya Səhiyyə Təşkilatı yeni koronavirus infeksiyasının yayılmasını pandemiya elan edib.
