Azərbaycan məşəl estafetindən kənarda qaldı - FOTO
Dörd il əvvəl Azərbaycanda keçirilən ilk Avropa oyunları bütün dünyanı heyran etmişdi. Azərbaycan bu oyunların təşkili üçün bütün işləri yüksək səviyyədə görmüşdü. Avropanın bütün ölkələri burada yaradılan şəraitdən, ən əsası oyunların təşkilindən razı qalmışdı. Bakı-2015-dən sonra estafeti Minsk öz üzərinə götürmüşdü. Bununla da Azərbaycan Avropa oyunlarının tarixində «ilk»ə imza atmışdı. Bəzi mütəxəssislər bildirdilər ki, Bakıdan sonra oyunlara ev sahibiliyi edən şəhərlərin hər biri bu bu mötəbər yarışı bizim standartlarla keçirəcək. Lakin belaruslular ilk olaraq, bu standartlarda dəyişikliklər etdilər. Əgər Avropa oyunlarının ilk keçirildiyi ölkə Azərbaycandırsa, deməli Minsk-2019-un məşəli bizim ölkəmizdə alovlandırılmalı idi. Axı, Olimpiya oyunlarının məşəli ilk dəfə bu mötəbər yarışı keçirən ölkədə- Yunanıstanda alovlanır. Deməli Avropa oyunlarının məşəli ilk dəfə olduğu kimi Atəşgah məbədindən alışdırılmalıdır. Lakin Minsk-2019-un məşəli nə Bakıda, nə də Afinada alovlanacaq. Maraqlıdir ki, heç bir alovu olmayan məkandan-Romadan yandırılıb, sonda Minskə gətiriləcək. Bu nə qədər düzgündür, onu deyə bilmərik. Buradan sual yaranir ki, məşəl estafeti nə üçün I Avropa Oyunlarına ev sahibliyi edən Azərbaycandan keçmir, yaxud AOK və yerli Təşkilat Komitəsi bunu nə ilə əlaqələndirir?
Minsk-2019-un rəsmi saytında oyunların mədəni proqramının rəhbəri Sergey Xomiçlə müsahibə yer alıb. Həmin müsahibədən bəzi məqamları sizə təqdim edirik.
– Belarus II Avropa Oyunlarına necə hazırlaşır?
Artıq bir iki ildən artıqdır ki, Belarus Avropa oyunlarına ciddi hazırlaşır. Təşkilat komitəsi tərəfindən demək olar ki, əksər işlər görünüb. Idman qurğuları yarışlar üçün hazırdır. Biz yarışlardan əvvəl məşəl estafeti barəsində bütün qüvvəmizi səfərbər etmişik.
Bildiyiniz kimi, məşəlin estafeti olimpiya oyunları çərçivəsində keçirilən ən mühüm tədbirdir. Bu, Bakıda keçirilən ilk oyunlarda da nəzərə alınmışdı. Məşəl estafeti həmin vaxt ölkə daxilində keçirilmişdi. Lakin biz bunu təkrarlamaq istəmirik. Çalışacağiq ki, II Avropa oyunları daha böyük əks-səda yaratsın. Artıq bu barədə bir sıra layihələrimiz var.
– Sirr deyilsə həmin layihədə hansı yeniliklər olacaq?
– Məsələn, yerli Təşkilat Komitəsi Avropa Olimpiya Komitəsi (AOK) ilə ortaq məxrəcə gələrək yeri bir layihə həyata keçirəcək. Məşəlin estafeti Romadan başlanacaq. Bilirsiniz ki, AOK-un mənzil qərargahı burada yerləşir. Artıq bundan sonra məşəlin estafet mərasiminin Romadan başlanması ənənə halını alacaq.
– Maraqlıdır…
– Bəli. Roma qədim şəhərdir. Onun böyük və şanlı tarixi var. Hesab edirəm ki, bu, iştirakçi ölkələr tərəfindən müsbət qarşılanacaq. Məşəl mərasimi rəmzi olaraq 50 gün davam edəcək. Çünki həmin məşəli «köhnə qitə»nin 50 ölkəsindən olan idmançılar növbə ilə gəzdirəcək.
– Marşrutu müəyyənləşdirmisizinizmi?
– Bəli. Məşəl Romada yerləşən «Ara Pacis Museium»dan start götürəcək. Oradan Kurmayer məntəqəsinə (Italiya və Fransa sərhədində yerləşir-red) yollanacaq. Məşəl Monblan zirvəsinə qaldırılacaq. Belaruslu baykerlər kalonu məşəllə birlikdə Sloveniya, Avstriya, Macarıstan, Slovakiya, Çexiya, Polşanı gəzəcək. Daha sonra məşəl estafeti Belarusda davam edəcək. Biz Belarusu bütün dünyaya yenidən tanıdacağıq.
– Minskdə keçirilən II Avropa Oyunları Bakıdan təkcə məşəl estafetinə görə fərqlənəcək?
– Bakıda keçirilən oyunlar bütün dünyanı heyrətləndirmişdi. Lakin bir daha qeyd edim ki, onlar məşəl estafetini ölkə daxilində etmişdilər. Biz istədik ki, məşəl təkcə Belarusda gəzməsin.
O ki, qaldi fərqə bunu iştirakçı ölkələr oyunlar başa çatdıqdan sonra bildirəcəklər. Məqsədimiz odur ki, Belarusu Avropada daha yaxından təbliğ edək. Bu turizm baxımından da bizim üçün əlverişli olacaq. Yeri gəlmişkən tezliklə biz II Avropa Oyunlarının yeni məşəlin ictimaiyyətə təqdim edəcəyik.
Rakus.az-ın analitik qrupu
