Brilliant Dadaşova illərdir çörək yemir - FOTO
Xalq artisti Brilliant Dadaşova pəhriz saxlamağından söz açıb.
Rakus.az xəbər verir ki, müğənni bu barədə Əməkdar artist Bəhram Bağırzadənin “İnstaqram”da canı yayımında qonağı olanda deyib.
O bildirib ki, son vaxtlar ancaq yeməkdən, kartofdan danışırıq: “İndi hamı saçın-başın yolub yemək istəyir. Bir dəfə xalam qızı bizə gəlmişdi. Soyuducunu açıb ki, görüm nə yeyirsən ki, arıqsan. Soyuducunu boş görüb qayıtdı ki, siz milyoner olarsınız… Soyuducumuz həmişə boşdur. Alma, qatıq olur.
Qarnı üçün əlləşənləri başa düşə bilmirəm. Nəfsimizi saxlamalıyıq. Hər şey dərmanlıdır. Çalışıb az yesək, çox yaşayarıq. Xəstəlikdən uzaq olmalıyıq. Dostlarım var yeyirlər, sonra təzyiq, şəkər dərmanı atırlar. İllərdir çörək yemirəm. Ürəyim istəyəndə iyləyib, qoyuram yerə”.
Oğlu Cahanın biznesindən söz açan ifaçı söyləyib ki, övladına maddi dəstək olub:
“Külli miqdarda pul xərclədim. Oğlum deyirdi, bu mənim arzumdur, edəcəm. Tələbələrə kömək edir, ödənişsiz hazırlıqlar edirlər. Yaxşı ki, ona kömək etdim. İndi onun həvəsi ilə yaşayıram. Vaxt gələr gənclər deyər ki, müəllimlərə pul xərcləmədən, Cahadın layihəsi ilə oxuduq”.
