COVID-19 peyvəndinin sınağı pişiklərdə aparılacaq
“Pişik COVID-19-a ən həssas heyvandır, buna görə də koronavirus üçün potensial dərmanların və peyvəndlərin təsirini sınamaq üçün perspektivli canlı modeli ola bilər”.
Rakus.az xəbər verir ki, bunu Novosibirsk Dövlət Universitetinin biotexnologiya və virusologiya laboratoriyasının müdiri, Rusiya Elmlər Akademiyasının müxbir üzvü Sergey Netesov deyib.
O bildirib ki, pişiklərin koronavirusa qarşı yüksək həssaslığı onları preklinik sınaqlar üçün yaxşı model halına gətirir”.
Alim onları yeni patogen üçün mümkün ötürmə bağlantısı olan və insanda COVID-19 xəstəliyini təqlid edən heyvan modeli kimi öyrənməyə başlamağı təklif edir.
Tümen Dövlət Universitetinin Biologiya İnstitutunun əməkdaşı Nikolay Karpovun sözlərinə görə, pişiklər antikor istehsalı baxımından patogenə həssasdırlar.
“Virusa həssaslıq və insanlara yaxınlıq baxımından pişiklər vaksinləri sınaqdan keçirmək üçün potensial obyekt hesab edilə bilər”, – ekspert bildirib.
Mütəxəssisin fikrincə, gələcəkdə aparılacaq tədqiqatlar digər heyvanların da koronavirus infeksiyasına həssas olduğunu göstərəcək.
