Deputat koronavirusdan müalicə olunan seçiciləri ilə maraqlandı
YAP Qaradağ rayon təşkilatının sədri, partiyanın Siyasi Şurasının üzvü, Milli Məclisin deputatı Aydın Hüseynov koronavirusa yoluxan və hazırda müalicə olunan seçicilərlə telefonla danışaraq onların vəziyyətləri ilə maraqlanıb.
Rakus.az xəbər verir ki, deputat qeyd edib ki, Prezident İlham Əliyevin göstərişlərinə əsasən vətəndaşlarımızın pandemiya dövründə koronavirusdan qorunması və xəstələrin müalicə olunması üçün bütün tədbirlər görülür.
A.Hüseynov qeyd edib ki, bununla yanaşı Ümumdünya Səhiyyə Təşkilatının, Nazirlər Kabineti yanında Operativ Qərargahın tələb və tövsiyələ ciddi əməl olunmalıdır: “Özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək və xüsusi karantin rejiminə əməl etmək vacibdir. Hər kəs bir daha şəxsi gigiyena qaydalarına ciddi riayət etməlidir. Özü də bunu bütün ailə üzvlərinizə və yaxınlarınıza da bildirməlisiniz”.
Sonda xəstələrə müalicə prosesində həkimlərin bütün tapşırıqlarına əməl etmələrini və pessimist fikirlərə qapılmamaqlarını tövsiyə edən millət vəkili hər birinə şəfa diləyib. Tezliklə sağalaraq ailələrinin yanına qayıdacaqlarına ümidvar olduğunu bildirib.
Seçicilər deputatın konların vəziyyətləri ilə maraqlandığından şad olduqlarını deməklə təşəkkürlərini bildiriblər.
