Ermənistan qəzəb səviyyəsinə görə dünyada birincidir - VİDEO
Yeni sorğunun nəticələri göstərir ki, Ermənistan xalqı dünyada daha çox qəzəb nümayiş etdirir və Qafqazdakı qonşularına nisbətən daha əsəbidir.
Rakus.az xəbər verir ki, bu barədə “Global Emotions Gallup”un apardığı araşdırmalar zamanı məlum olub.
Son tədqiqatlara görə, dünya getdikcə acıqlı olur, Ermənistan isə qəzəbin episentridir.
Qəzəb, sevinc və kədər kimi hissləri ölçməklə planetin emosional coğrafiyasını müəyyənləşdirən “Global Emotions Gallup – 2019” sorğusunda Qafqaz qonşuları olan Gürcüstan və Azərbaycanın Ermənistandan müqayisəyə gələcək dərəcədə daha yaxşı əhvalda olduğu müəyyən edilib.
Erməni respondentlərin ən az 45 faizi (dünyada ən böyük milli göstəricidir) ötən günə görə qəzəb hissi keçirdiklərini deyiblər.
Ermənistanın şimal qonşusu Gürcüstanda 27 faiz qəzəb nisbəti müəyyən olunub, şərqdə varlı qonşusu olan Azərbaycan isə Qafqaz bölgəsinin ən sakit ərazisidir və sorğuda iştirak edənlərin yalnız 18 faizi yaxın günlərdə qəzəbləndiklərini deyiblər.
Yaxın qonşuluqda olan İraq və İran qlobal qəzəb reytinqində müvafiq olaraq ikinci (44 faiz) və üçüncü (43 faiz) yerdə qərarlaşmaqla, Ermənistana bənzər qəzəb səviyyəsi sərgiləyiblər.
Müqayisə üçün deyək ki, Gürcüstan rutin vəziyyətdədir, Azərbaycan isə uzun illərdir ki, siyasi və iqtisadi sabitlikdədir.
Qafqazda milli personajların məşhur sinkopik təsvirlərindən biri – erməni musiqiçisinin restoranda əsl hitə çevrilən ifası, Ermənistanın Gürcüstan və Azərbaycana nisbətən drama daha çox meyilli olduğunu göstərir.
Anket həmçinin Ermənistanın postsovet məkanında bir növ “əsəbi nazlı xanım” olduğunu göstərir ki, bu da respondentlərin narahatlıq səviyyəsi ilə ölçülür.
Erməni iqtisadçı Hrant Mikaelyan keçmiş sorğulara izahat axtarmaq üçün analitik tədqiqat aparıb. “Gallup”un 2017-ci ildə dərc olunan sorğularından biri göstərib ki, Ermənistan – vətəndaşlarının ölkələrini tərk etmək istədiyi ilk on ölkə siyahısındadır, halbuki qonşuları daha az mühacirət əhval-ruhiyyəsindədirlər.
2013-cü ildə keçirilən sorğuda Ermənistanın keçmiş üzvlər arasında Sovet İttifaqı üçün ən çox nostalji hisslər yaşayan ölkə olduğu ortaya çıxıb: respondentlərin 66 faizi SSRİ-nin dağılmasının faydasından çox zərər verdiyini söyləyib.
H.Mikaelyan ölkəsinin bədbəxtliyini yoxsul iqtisadiyyatla da əlaqələndirib: adambaşına düşən ÜDM-ə görə Ermənistan Qafqazda ən aşağı səviyyədədir, postsovet məkanında isə ən aşağı səviyyələrdən biridir, deprivasiya, gözlənilən həyat keyfiyyəti ilə reallıq arasındakı fərq də buradandır.
