Günəşdə partlayış baş verdi
“Mayın 29-da Günəşdə baş verən partlayış insanların həyatına nəzərəçarpacaq dərəcədə təsir göstərə bilməz. Eyni zamanda, bu, daha güclü partlayışların ola biləcəyindən xəbər verir”.
Rakus.az xəbər verir ki, bunu Pulkovo Rəsədxanasının baş elmi işçisi, fizika-riyaziyyat elmləri doktoru Georgi Qonçarov deyib.
Onun sözlərinə görə, Günəşin dövretməsi 11 il davam edir, əvvəlki maksimal Günəş aktivliyi 2014-cü ildə qeydə alınıb: “Yeni Günəş dövrü başlayır. Günəş fəaliyyətinin pik həddinə hələ çox var, bu, 2025-ci ildə gözlənilir”.
O bildirib ki, son vaxtlar nəzərəçarpan Günəş partlayışları müşahidə olunmur.
Son Günəş partlayışının 2017-ci ilin oktyabrında baş verdiyi bildirilir. “M” (orta) ölçülü partlayış “Solar Dynamics Observatory” tərəfindən qeydə alınıb.
