Hümbət Hüseynov “Heydər Əliyevin 100 illiyi ” yubley medalı ilə təltif edilib - FOTO
Azərbaycan Qəsəbə Bələdiyyələrinin Milli Assosiasiyasının sədri, Binəqədi rayonu, M.Ə.Rəsulzadə Bələdiyyəsinin sədri Hümbət Hüseynov yüksək mükafata layiq görülüb.
Rakus.az xəbər verir ki, H.Hüseynov Azərbaycan Prezidenti İlham Əliyevin fevralın 2-də imzaladığı sərəncama əsasən “Heydər Əliyevin 100 illiyi (1923-2023)” yubley medalı ilə təltif edilib.
Xatırladaq ki, hüseynov Hümbət Rəhim oğlu 1963-cü il dekabrın 3-də Göyçə mahalının Çəmbərək (Krasnoselo) rayonunun Ardanış kəndində ziyalı ailəsində doğulub. 1981-1986-cı illərdə Azərbaycan Texniki Universitetinin mexanika fakültəsini bitirib. 1994-1999-cu illərdə Moskva Dövlət Sosial Universitetinin hüquq fakültəsini başa vurub. Əmək fəaliyyətinə 1986-1991-ci illərdə Q.Musabəyov adına maşınqayırma zavodunda mühəndis-texnoloq kimi başlayıb. 1993-2000-ci illərdə Xətai Rayon İcra Hakimiyyətində başçının köməkçisi, 2000-2004-cü illərdə Binəqədi Rayon İcra Hakimiyyətində Hüquq şöbəsində mütəxəssis vəzifəsində çalışıb. 2004-cü ildə respublikada keçirilən II çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinə üzv seçilıb. 2006-cı ildən 2009-cu ilədək bələdiyyə sədrinin iqtisadi məsələlər üzrə müavini, sədr əvəzi və sədri vəzifələrinə seçilib. 2009-cu ildə respublikada keçirilən III çağırış, 2014-cü ildə IV çağırış bələdiyyə seçkilərində iştirak edərək bələdiyyə üzvü seçilıb və bələdiyyə sədri olub. 2012-ci ildə və 2015-ci ildə Azərbaycan Qəsəbə Bələdiyyələri Milli Assosiasiyasının sədri seçilib. Eyni zamanda, Avropa Şurasında Yerli və Regional Hakimiyyətlər Konqresində Azərbaycan nümayəndə heyətinin üzvüdür. Texnika elmləri namizədidir. O, Azərbaycan bələdiyyə üzvlərindən ibarət nümayəndə heyətinin üzvü kimi, bir neçə dəfə Fransanın Strasburq şəhərində Avropa Şurası Yerli və Regional Hakimiyyətlər Konqresinin sessiyalarında iştirak edib.
