İlk turun mənzərəsi: epizodlar, qollar, növbəti oyunlar – CƏDVƏL - FOTO - VİDEO
Zəfər Günü (8 Noyabr) münasibətilə şəhid jurnalist Məhərrəm İbrahimov və Sirac Abışovun xatirəsinə keçirilən həvəskar komandalardan ibarət Ənənəvi Futbol Turniri davam edir,
Rakus.az xəbər verir ki, oktyabrın 9-da aılış mərasimindən sonra A və B qrupunda 2 qarşılaşma baş tutub. Meydana ilk olaraq “Ardanış” və “Sadaxlı” komandaları çıxıb. Gərgin mübarizə şəraitində keçən qarşılaşma “Ardanış”ın 2:1 hesablı qələbəsi ilə yekunlaşıb.
“Media” – “Novoivanovka” oyunu çox maraqlı keçib. Baxımlı futbol nümayiş etdirən komandalar sahədən sülhlə ayrılıblar. Beləliklə, qapılara 10 qol vurulub və nəticə qalib müəyyənləşməyib – 5:5.
Oyunlarda ən yaxşı oyunçu “Ardanış”dan Taleh Muradov, “Novoivanovka”dan Emin İmaməliyev, “Media”dan isə Elmin Əlizadə seçiliblər.
A Qrupu
“Ardanış” – “Sadaxlı” – 2:1
Qollar: Emin Qasımov, Əsgər İbrahimov – Nihan Vəliyev
B qrupu
“Media” – “Novoivanovka” – 5:5
Qollar: Rüstəm Abdullayev (3) Elmin Əlizadə (2) – Emin İmaməliyev (2), Samir Əliyev (2), Qasım Məmmədov.
Növbəti oyunlar həftənin bazar günü keçiriləcək.
16 Oktyabr
II tur
A qrupu
09:30
“Ada Təpə” – “Media”
B qrupu
10:30 Göyçə” – “Sadıxlı”
23 oktyabr
III tur
A qrupu
09:30 “Ardanış” – “Göyçə”
B qrupu
10:30 “Novoivanovka” – “Ada Təpə”
30 oktyabr
Yarımfinal
09:30 A1 – B2
10:30 B1 – A2
6 noyabr
09:30 III yer uğrunda görüş
11:00 Final
Xatırladaq ki, turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, Məhərrəm və Siracın timsalında şəhid olan igidlərin öz peşələrindən əlavə, idmana olan marağını gənclərə aşılamaq, yeni nəslin sağlam ruhda vətənpərvər böyüməsinə töhfə verməkdir. Ənənəvi Futbol Turnirində 6 komanda – “Ardanış”, “Göyçə”, “Sadaxlı”, “Ada Təpə”, “Novoivanovka” və “Media” mübarizə aparır.
