İran ABŞ-ın aviabazalarına zərbələr endirdi
İraqın qərbində yerləşən və ABŞ-a məxsus “Eyn əl-Əsəd” hərbi bazasına doqquz raket zərbəsi endirilib. Erbildəki bazaya da hücum edildiyi bildirilib
Rakus.az xəbər verir ki, “Ria-Novosti”nin məlumatına görə, Pentaqon sözçüsü Jonathan Hoffman, zərbənin İran tərəfindən endirildiyini söyləyib.
“Təqribən saat 5:30 radələrində Yanvarın 7-də İran ABŞ-ın hərbi bazalarına və İraqdakı koalisiyaya qarşı çoxlu sayda ballistik raket atıb. Aydındır ki, bu raketlər İrandan atılıb və məqsədləri Əsəd və Ərbildə ABŞ və koalisiya heyəti yerləşən ən azı iki İraq hərbi bazası olub. Biz zərərin ilkin qiymətləndirilməsi üzərində işləyirik” dedi.
O, bldirib ki, ABŞ bölgədəki hərbi qüvvələrini, tərəfdaşlarını və müttəfiqlərini qorumaq üçün “bütün lazımi tədbirləri” görəcək.
CNN mənbələrə istinadən xəbər verir ki, “Eyn əl-Əsəd” bazasını atəşə tutandan sonra zərərçəkənlər var.
Onun məlumatlarına görə, zərərçəkənlər “İraq tərəfindədir”.
“Press TV” telekanalı xəbər verir ki, öz növbəsində İran İslam İnqilabı Keşikçiləri Korpusu ABŞ-ın İraqdakı aviabazasına onlarla raket zərbəsi endirdiyini bildirib.
“SEPAH İraqdakı ABŞ-ın “Eyn-əl-Əsəd” aviabazasına onlarla raket zərbəsi endirilməsini təsdiqləyir”, – deyə telekanalın Twitter, səhifəsində yazılıb.
Amerika obyektlərinə endirilən raket zərbələri barədə artıq prezident Donald Trampa məlumat verilib.
