İsrail sabahdan karantin rejimini yumşadır
İsraildə koronavirusa yoluxanların sayı 15 782 nəfərə çatıb.
Rakus.az xəbər verir ki, ölkənin Səhiyyə Nazirliyiin məlumatına görə, son sutkada ölkədə193 yeni yoluxma, 4 ölüm hadisəsi qeydə alınıb. Koronavirusdan ölənlərin ümumi sayı 212-yə çatıb, indiyədək 7 929 pasiyent sağalıb.
Son günlər ağır xəstələrin sayında azalma müşayiət edilir. İsrailin müstəqillik günü münasibətilə karantin tədbirləri sərtləşdirilib. Sakinlərə aprelin 28-i saat 17:00-dan aprelin 29-u saat 20:00-dək yalnız dərman almaq məqsədi ilə evlərini tərk etməyə icazə verilir.
Eyni zamanda yaşayış yerindən 100 metr uzaqlıqdakı məsafəyədək gəzintiyə çıxmaq olar.
Aprelin 30-u saat 05:00-dan etibarən ictimai nəqliyyatın fəaliyyəti bərpa olunacaq və sabahdan karantin rejiminin yumşadılması qüvvəyə minəcək.
