Kamerunda da seçki keçirilir
Kamerunda parlament və bələdiyyə seçkiləri keçirilir.
Rakus.az xəbər verir ki, bu ölkənin hökuməti seçkilərlə əlaqədar sərhədlərin 48 saat müddətinə bağlanması, dəmir yolu və avtomobil nəqliyyatının məhdudlaşdırılması barədə göstəriş verib.
Kamerunda seçkilərə 58 siyasi partiya qatılıb, onlar parlamentin aşağı palatasında – Milli Məclisdə 180 deputat yeri uğrunda mübarizə aparırlar. Əslində, 2013-cü ildə seçilmiş qanunverici orqanın səlahiyyətləri 2018-ci ilin sentyabrında başa çatmalı idi. Lakin ölkə Prezidenti Konstitusiya ilə ona verilmiş səlahiyyətlərdən istifadə edərək bu müddəti iki il uzadıb.
Parlamentin yeni heyətində hakim Kamerun Xalqının Demokratik Birliyi partiyasının ən çox səs əldə edəcəyi gözlənilir. Bu partiyanın sədri ölkə Prezidenti Pol Biyyadır. Hakim partiya bundan əvvəlki parlamentdə 148 deputat yerinə malik olub. Seçkilərdə iri müxalifət partiyaları – Sosial Demokratiya Cəbhəsi və Kamerunun Dirçəlişi də iştirak edirlər.
Sərhədlərin bağlanması isə Qərbi Avropada, o cümlədən Kamerunda icmalararası gərginliyin artması və yeni silahlı münaqişə təhlükəsidir. 2016-cı ildə bu ölkədə silahlı toqquşmalar nəticəsində 3 mindən çox adam həlak olub, 500 min nəfər qaçqın düşüb.
