Koronavirus sindromu – Uhanda 7 azərbaycanlı qalıb
ABŞ, Yaponiya və digər ölkələr artıq 106 nəfərin ölümünə səbəb olan qlobal koronavirus epidemiyasının mərkəzi olan Çinin Uhan şəhərindən vətəndaşlarını təxliyyə etmək üçün oraya təyyarələr göndərib.
Rakus.az xəbər verir ki, Yaponiya yanvarın 28-də şəhərdəki 650 yapon vətəndaşından 200 nəfərini təxliyyə etmək üçün Uhana təyyarə göndərib. Birləşmiş Ştatlar bu həftə bəzi Amerika vətəndaşları ilə birlikdə Uhandakı konsulluğunun heyətini şəhərdən çıxarmağa hazırlaşır. Fransa və digər ölkələr də vətəndaşlarını Uhandan çıxarmaq planlarını açıqlayıblar.
Yoluxma hallarının olduğu ölkələr siyahısına Almaniya və Şri-Lanka da əlavə olunub.
Çində yaşayan azərbaycanlı tələbə: “Uhandan çıxa bilməyən azərbaycanlılar var”
Beləliklə, yoluxma halları Avstraliya, Kanada, Almaniya, Fransa, Şri-Lanka, Honq Konq, Yaponiya, Makao, Malayziya, Nepal, Portuqaliya, Sinqapur, Cənubi Koreya, Tayvan, Tailand, ABŞ və Vyetnamda da qeydə alınıb.
Ümumdünya Səhiyyə Təşkilatının məlumatına görə, yoluxanların əksəriyyəti ya Uhana səyahət etmiş və ya da onlarla təmasda olan insanlardır.
