Lavrov sülhməramlıların mandatından danışdı
Sülhməramlıların mandatı məsələsi həll olunur”.
Rakus.az xəbər verir ki, bunu Rusiyanın xarici işlər naziri Sergey Lavrov 2020-ci ilin yekunlarına dair keçirilən mətbuat konfransında söyləyib.
“Bu, əlbəttə, üçtərəfli danışıqların predmeti olmalıdır. Bu barədə Moskvadakı üçtərəfli görüşdə danışılıb”, – o bildirib.
S.Lavrovun sözlərinə görə, üçtərəfli bəyanatda heç bir gizli əlavə mövcud deyil.
Rusiyanın xarici işlər naziri Sergey Lavrov erməni jurnalistin sualını cavablandırarkən söyləyib:
“Erməni tərəfi əsirlərin siyahısını vaxtında və tam şəkildə təqdim etməyib. Noyabrın 9-u yekunlaşan hadisələr zamanı əsir düşənlərin dəyişdirilməsi baş tutub.
Noyabrın sonu erməni çağırışçılardan ibarət böyük qrup Hadruta göndərilib və əsir düşüblər. Onlar dekabrın əvvəlində əsir düşüblər. Onlar 62 nəfər olublar. Azərbaycan tərəfi həmin mərhələdə bəyan edib ki, bu insanlar üçtərəfli bəyanatdan sonra əsir düşdüklərinə görə bu məsələyə ayrıca baxılmalıdır. Mən və Rusiya prezidenti bu məsələni bağlamaq üçün “hamının hamıya” prinsipini rəhbər tutmağın tərəfdarıyıq. Əgər bizim sülhməramlılarımız olmasaydı, bunu həll etmək daha çətin olardı. Hazırda sülhməramlılar bununla məşğuldurlar”.
