Madonna 35 yaş kiçik sevgilisini öpməkdən doymadı - FOTO
Dünya şöhrətli müğənni Madonna sosial media səhifəsində gənc sevgilisi, rəqqas Axlamalik Uilyamsı doğum günü münasibətilə təbrik edib.
Rakus.az xəbər verir ki, illərə meydan oxuyan sənətçi 26 yaşını qeyd edən Axlamaliklə birgə çəkilmiş fotolarını paylaşıb.
Fərqli vaxtlarda çəkilən şəkillər cütlüyün münasibətlərinin ciddi olduğuna işarə edir.
“Ad günün mübarək, sevgilim. Səndən daha yaxşı karantin yoldaşı tapmaq çətindir”, – 61 yaşlı müğənni şəkillərə şərh yazıb.
Xatırladaq ki, Madonna ilə Uilyamsın sevgili olmaları barədə şayiələr ötən payız, pop ulduzun Nyu-Yorkdakı turundan sonra yayılıb.
“Madame X Tour” proqramı ilə turlarını koronavirus səbəbindən dayandırmaq məcburiyyətində qalan Madonnanın şousunda Axlamalik də iştirak edib. Cütlük 2015-ci ildə tanış olub.
