“Megafun” yandı, müğənni xəsarət aldı - FOTO
Fövqəladə Hallar Nazirliyinin (FHN) 112 – “qaynar” telefon xəttinə daxil olan məlumata əsasən, Bakının Xətai rayonundakı “Megafun” əyləncə mərkəzinin ikinci mərtəbəsində helium şarlarının partlaması nəticəsində ani alışma baş verib.
Rakus.az xəbər verir ki, nazirliyin Dövlət Yanğından Mühafizə və Xüsusi Riskli Xilasetmə xidmətlərinin müvafiq qüvvələri dərhal hadisə yerinə cəlb olunub.
Hadisə nəticəsində yanğın hadisəsi baş verməyib.
Bildirək ki, həmin vaxt müğənni Ayan Babakişiyeva anası və qızı ilə birlikdə orada olub.
İfaçı özü bu barədə İnstaqram səhifəsində məlumat verib: “Yanğında mən və ailəm də orada idik. Ən yaxın rəfiqəmin özəl günü idi. Həyatımda ən dəhşətli günü yaşayıram. O partlayış nə idi? Selena, anam, mən və ən yaxınlarım xəsarət alıb. Hər kəsi möcüzə xilas etdi. Günah ora gələn animatorlarda oldu. Tək mənim balam yox, hər kəsin övladı xəsarət aldı. Xəstəxanadan evə indi gəldik. Allaha çox şükür deyirəm”.
