Çərşənbə axşamı ABŞ Prezidenti Donald Tramp və xanımı Melaniya Tramp İsrailin Baş naziri Binyamin Netanyahunu və xanımı Sara Netanyahunu Ağ Evdə qəbul ediblər.
Rakus.az xəbər verir ki, ABŞ-ın 50 yaşlı birinci xanımı qonaqları 3700 dollar dəyərində, “Prada”nın ağ naxışlarla bəzənmiş klassik mavi paltarında qarşılayıb.
Spletnik.ru xəbər verir ki, Melaniya Trampın geyimi sosial şəbəkələrdə müzakirələrə səbəb olub. Bəzi istifadəçilər ABŞ liderinin həyat yoldaşının imicini zərif və şık adlandırsalar da, bəziləri onu lağa qoyublar.
Qeyd etmək lazımdır ki, bir çox başqa dövlət liderlərindən fərqli olaraq, iştirak edənlərin heç biri qoruyucu maska taxmayıblar. Və bu, koronavirusun ikinci dalğası səbəbiylə İsraildə yenidən karantin tətbiq olunduğu və ABŞ-ın yoluxma hadisələrinin sayına görə lider olaraq qaldığı zamanda baş verir.
Lakin maska taxılmaması bu dəfə ictimaiyyətin diqqətini çəkməyib. Əsas müzakirə hədəfi M. Trampın geyimi olub.
