Metroda polislə sərnişinlərin maska “davası”- YENİLƏNDİ - VİDEO
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov metropolitendə qeydə alınan hadisəyə münasibət bildirib.
Rakus.az xəbər verir ki, Qurum rəsmisi Oxu.Az-a açıqlamasında bildirib ki, hadisə mayın 31-də metronun “Qara Qarayev” stansiyasında baş verib:
“Hadisə ilə bağlı qatar stansiyadan gec tərpənib. Bununla bağlı qatarların hərəkətində yubanma olub”.
Xatırladaq ki, ilkin məlumata görə, sərnişin platformada olarkən tibbi maskadan istifadə etmədiyi üçün polis ona irad bildirib və mübahisə bu səbəbdən yaranıb.
Bakı Şəhər Baş Polis İdarəsindən (BŞBPİ) bildirilib ki, sözügedən videogörüntülərlə bağlı araşdırma aparılır.
12:01
Bakı metrosunda polislə sərnişin arasında mübahisənin təfərrüatı bilinib.
Rakus.az xəbər verir ki, Oxu.Az-ın əldə etdiyi məlumata görə, hadisə ötən gün axşam saatlarında baş verib.
Sərnişinlə polis arasında yaşanan dava səbəbindən qatarın stansiyadan hərəkətinə icazə verilməyib. Ümumilikdə, qatarların intervalında üç dəqiqəyə qədər gecikmə olub.
Polis əməkdaşları tərəfindən qatardan çıxarılan şəxs barəsində isə İnzibati Məhkəmə tərəfindən qərar çıxarılıb.
11:48
Bakı metrosunda polislə sərnişin arasında mübahisə yaranıb.
Rakus.az xəbər verir ki, bununla bağlı videogörüntü sosial şəbəkədə paylaşılıb.
Paylaşım edən şəxs hadisənin ötən gün “Qara Qarayev” stansiyasında baş verdiyini qeyd edib.
İddiaya görə, metronun “Qara Qarayev” stansiyasında polislərlə vətəndaşlar arasında gərginlik yaranıb.
Videogörüntüdə iki polis əməkdaşının sərnişinlərdən birini qatardan çıxarmağa çalışdığı əks olunub. Polisin hansı səbəbdən sərnişinlə mübahisə etməsi və onu qatardan çıxarmağa çalışması məlum deyil.
İlkin məlumata görə, sərnişin platformada olarkən tibbi maskadan istifadə etməyib. Polis əməkdaşı ona yaxınlaşaraq, profilaktik söhbət aparıb, onun karantin qaydalarına riayət etməsini xahiş edib.
