Ermənistanın Baş naziri Nikol Paşinyan 20 yanvar 1990-cı ildə Bakıda həlak olanların qarşısında baş əydiyini bildirib.
Rakus.az xəbər verir ki, News.am-ın məlumatına görə, o, bu barədə jurnalist kimi “Molorak” qəzetində köşə yazısı dərc edibmiş.
1998-ci ilin 11 fevral tarixində dərc olunan “Ermənilər və azərbaycanlılar – oxşar taleyi olan xalqlardır” başlıqlı məqalədə Nikol Paşinyan hər dəfə Azərbaycan və Türkiyənin günahsız qurbanlarına toxunanda ermənilərin ovqatının niyə təlx olunduğunu soruşur.
Paşinyan məqaləsini bu sətirlərlə bitirir: “Yanvarın 20-də mən 1990-cı ilin qurbanlarının xatirəsini bir dəqiqəlik sükutla yad etdim”.
