Paşinyan Qərbi Azərbaycan İrəvan Respublikasından ciddi narahatdır - VİDEO
Ermənistanın baş naziri Nikol Paşinyan professor Qafar Çaxmaqlının rəhbərlik etdiyi Qərbi Azərbaycan (İrəvan) Respublikası ilə bağlı fikir bildirib.
Rakus.az xəbər verir ki, bu haqda erməni mediasında gedən reportajın tərcüməsini olduğu kimi oxucularına təqdim edir:
“Mayın 10-da Kütləvi İnformasiya vasitələri Qərbi Azərbaycan (İrəvan) Respublikasının yaradılması ilə bağlı məlumat yaydılar. “Qərbi Azərbaycan” deyərkən, indiki Ermənistan ərazisi nəzərdə tutulur. Qərbi Azərbaycan (İrəvan) Respublikasının yaradılması ilə bağlı Təşəbbüs Qrupunun rəhbəri Türkiyədəki Universitetlərdən birinin professoru Qafar Çaxmaqlı olmuşdur. Bu qrupa Türkiyədə yaşayan digər azərbaycanlılar da daxil olmuşlar. Qafar Çaxmaqlı bununla əlaqədar demişdir ki, “bu ideya həm Azərbaycanda, həm də Türkiyədə hər zaman gündəmdə olmuşdur, dünyanın müxtəlif ölkələrində yaşayan İrəvan kökənli azərbaycanlılar birləşərək ciddi addımlar atmağa başlamışlar”. Artıq bu respublikanın hökümət strukturları formalaşmış, bayrağı təsdiq edilmişdir.
Artsaxın təhlükəsizliyi ilə bağlı Ermənistan və Artsax Respublikasının Təhlükəsizlik Şurasının toplantısında Ermənistanın Baş naziri Nikol Paşinyan Azərbaycanı ittiham edərək demişdir ki, Qərbi Azərbaycan dövləti yaratmaq təşəbbüsü Azərbaycanın xüsusi xidmət orqanlarının fəaliyyəti nəticəsində ortaya çıxmışdır, regionda gələcəkdə aparılacaq siyasət nəticəsində bu qurumdan istifadə edilməsi hədəflənməkdədir. Ona qarşı tədbirlər görülməlidir. Onlar Qərbi Azərbaycan ideyasın xalqın içərisində yaymaqla Ermənistana qarşı yeni ideologiya formalaşdırmaq istəyirlər”.
