Putin NATO-nu moratorium elan etməyə çağırdı
Rusiya Prezidenti Vladimir Putin NATO-nu (North Atlantic Treaty Organization) Avropada orta və qısa mənzilli yerüstü raketlərin yerləşdirilməsinə dair moratorium elan etməyə çağırıb.
Rakus.az xəbər verir ki, bu barədə Kremlin rəsmi saytında qeyd olunur.
Rusiya lideri bildirib ki, orta və qısa mənzilli raketlərin (INF) ləğvi ilə bağlı Rusiya-ABŞ müqaviləsi Avropa üçün əhəmiyyətli olub, amma ABŞ-ın ondan çıxması böyük səhvdir.
Putin qeyd edib ki, ittifaqın qarşılıqlı addımlarına tabe olaraq, “İskəndər-M” kompleksinin “9M729” raketlərini Avropada yerləşdirməyəcəyinə söz verir.
O, Kalininqrad bölgəsindəki “9M729” raketlərinin, ABŞ və NATO-nun Avropadakı bazalarında “Mk-41” raketləri ilə “Aegis Ashore” komplekslərinin INF parametrlərinə uyğunluğunu yoxlamağı təklif edib.
“Bütün maraqlı ölkələri Asiya-Sakit Okean bölgəsinə tətbiq edildiyi kimi “INF Müqaviləsi olmayan dünyada” sabitliyin qorunması və raket böhranlarının qarşısının alınması üçün sxemlər axtarmağa çağırırıq. Bu istiqamətdə ortaqlığa açığıq”.
Raket müqaviləsi 2 avqust, 2019-cu ildə ləğv edilib.
