Putin Paşinyanla niyə görüşmək istımir?
Rusiya Prezidenti Vladimir Putinin Ermənistanın baş naziri Nikol Paşinyanla dərhal danışığa başlaması vacib deyil.
Rakus.az xəbər verir ki, bunu Kremlin sözçüsü Dmitri Peskov martın 29-da Ermənistanın baş naziri Nikol Paşinyanın istefa verəcəyi ilə bağlı qərarına münasibət bildirərkən deyib.
Onun sözlərinə görə, Nikol Paşinyanın aprel ayında istefa verəcəyi barədə qərar Vldimir Putinlə görüşün dərhal keçirilməsini vacib etmir.
D.Peskov liderlər arasında təmasların davam etdiyini də əlavə edib: “O, vəzifəsini icra edəcək, ona görə də görüşlə bağlı ictimaiyyətə açıqlanan qərarın müzakirəsinə ehtiyac yoxdur”.
Məlumata görə, aprelin 7-də Nikol Paşinyanın Moskvaya işgüzar səfər edəcəyi və səfər çərçivəsində Vladimr Putinlə görüşəcəyi barədə xəbər yayılmışdı.
Xatırladaq ki, Nikol Paşinyan iyunun 20-də Ermənistanda növbədənkənar parlament seçkiləri keçirəcəyini və apreldə istefa verəcəyini bildirmişdi.
