Putin Türkiyəyə səfərə gəldi - FOTO
Rusiya prezidenti Vladimir Putin Türkiyəyə səfərə gəlib.
Rakus.az “TASS”a istinadən xəbər verir ki, V.Putin bu gün “Türk axını” qaz kəmərinin istismara verilməsi mərasimində iştirak edəcək.
Putin bu məqsədlə Ankaraya gəlməmişdən əvvəl gözlənilmədən Suriyaya gedərək, həmkarı Bəşər Əsədlə görüşüb.
Əsədlə Rusiyanın bu ölkədəki bazasında görüşən Putin gecə saatlarında İstanbula gəlib.
Daha əvvəl Kremlin mətbuat xidmətindən bildirilib ki, Rusiya lideri səfər zamanı Türkiyə prezidenti Rəcəb Tayyib Ərdoğanla görüşəcək.
Görüş zamanı tərəflər Rusiya-Türkiyə əməkdaşlığının gələcək inkişafı, Suriya və Liviyadakı vəziyyət də daxil olmaqla aktual beynəlxalq məsələlər müzakirə ediləcək.
Xatırladaq ki, Rusiya qazının Avropa bazarlarına çıxarılmasını nəzərdə tutan “Türk Axını”nın rəsmi açılış mərasimi bu gün baş tutacaq. Rusiyanın Anapa şəhərindən İstanbuladək uzanan (935 km) boru kəmərinin inşası başa çatıb.
Kəmər dekabrın 31-də qaz nəqli üçün hazır vəziyyətə gətirilib. İllik 31.5 milyard kubmetr qaz nəqlini həyata keçirmək gücündə olan “Türk Axını” üçün bu günədək 7 milyard dollar vəsait xərclənib.
Nəql olunacaq qazın yarısı Türkiyəyə satılacaq. Avropadan isə bu kəmərdən tranzit ediləcək təbii qazın əsas alıcıları Almaniya, Polşa, Avstriya, Danimarka, Fransa, İngiltərə və Niderland olacaq. (teleqraf.com)
