Qəlpələrdən biri hələ də alnımdadı – QAZİ
Abbasov Məhəmməd Rafail oğlu 5 fevral 1996-cı ildə anadan olub. Orta məktəbi Bakı şəhərinin Mərdəkan qəsəbəsindəki uşaq evində oxuyub. Qaradağ rayonu Müşfiqabad qəsəbəsindəki 1 saylı yataqxanada qeydiyyatdadı, kirayədə yaşayır. 2014-cü ildə hərbi xidmətdə olub. II Qarabağ müharibəsində iştirak edib. Füzuli, Cəbrayıl, Qubadlı və Xocavəndin azadlığı uğrunda döyüşlərdə iştirak edib. Respublika Prezidenti İlham Əliyevin sərəncamı ilə “Xocavəndin azad olunmasına görə” medalı ilə təltif olunub.
O, döyüş yolu barədə fikirlərini qısa olaraq belə ifadə etdi: “Səfərbərliklə əlaqdar olaraq mən də milli ordu sıralarına qatıldım. Oktyabrın 1-dən bizi Səfərbərlik və Hərbi Xidmətə Çağırış üzrə Dövlət Xidmətinin Qaradağ rayon şöbəsindən hərbi hissəyə yollandıq. Bir müddət təlim keçdikdən sonra Füzuli rayonuna getdik. Qubadlı və Cəbrayıl istiqamətindən keçərək Xocavənd uğrunda gərgin döyüşlərdə iştirak etdik. Həmin ərazidə yaralandım.
Gərgin döyüşlərin birində düşmən bizi minamyotla atəşə turdu. Ağır yaralandım, qəlbələrdn biri çiynimə qabaqdan girib arxadan çıxdı, biri qapırğama dəydi, hər ikisini çıxartdılar. Biri isə alnımda hələ də qalıb.
Yaralı halda məni Füzuli və sonra Şirvan hərbi hospitalına gətirdilər. Müalicə olunduqdan sonra yenidən döyüşə qayıtdım. Artıq Xocavənd alınmışdı. Bir müddət əsgər yoldaşlarımla birlikdə orda qaldıqdan sonra düşmənin təslim oldunu dedilər”.
