Qərbi Azərbaycan incəsənəti barədə bilinməyənlər - FOTO - VİDEO
Qərbi Azərbaycan Xronikası layihəsi çərçivəsində sənətşünaslıq üzrə fəlsəfə doktoru Fəxriyyə Lilparın təqdimatında “Ermənistanın məhv etdiyi 500 illik tarix” adlı süjet hazırlanıb.
Rakus.az xəbər verir ki, süjetdə tarixi 1600-cü illərə qədər gedib çıxan qədim İrəvan teatrından bəhs olunur, ölkə başçısının sərəncamı ilə teatrın 140 illik yubileyinin niyə tam keçirilə bilməməsinə, teatra ayrılmış binanın tam təmirinin niyə yubanmasına və digər suallara cavab axtarılır.
Bildirilir ki, hələ o zamanlar fransız səyyahı Jan Şardeni o qədər valeh edir ki, o bu teatrı qərbin operasına bənzədir. Lakin zaman-zaman İrəvan tarixinin bütün keşməkeşləri bu teatrın da taleyindən yan keçmir. Elə son 1 əsrdə teatr 3-4 dəfə deportasiyalara uğrayır. Dağıdılır, qovulur, təzyiqlərə məruz qalır. Son qovulma tarixi 1989-cu ilə təsadüf edir. O vaxtdan Azərbaycanın müxtəlif bölgələrinə, o cümlədən paytaxtın bir neçə ünvanlarına sığınır. Nə zamansa, tezliklə öz doğma ünvanında, İrəvanın səhnəsində pərdələrini açmağa əmin olan teatr bu gün öz 140 illiyini hələ də təmir olunub köçə bilməyən ünvanda keçirə bilmədiyinin təəssüfünü yaşayır.
