Qubanın Tülər kənd orta məktəbi kül oldu - FOTO - VİDEO
Qubanın Tülər kənd orta məktəbində yanğın baş verib.
Rakus.az xəbər verir ki, 2 mərtəbəli məktəb binasının 2-ci mərtəbəsində 5 sinif otağı və binanın dam örtüyü – ümumilikdə 250 kv.metr sahədə dam örtüyü tamamilə yanıb. Sinif otaqlarının avadanlığının bir qismi çıxarılsa da bir qismini çıxarmaq mümkün olmayıb.
Hadisə yerinə FHN-nin Quba Dövlət Yanğından Mühafizə Hissəsinin 2 yanğınsöndürən avtomobili və canlı qüvvəsi gəlib. Alovun 1-ci mərtəbəyə keçməsinin qarşısı alınıb.
Məlumat daxil olan kimi Qubanın İH başçısı Ziyəddin Əliyev və rayon FHK sədri, başçının 1-ci müavini Allahverdi Xudaverdiyev və hüquq-mühafizə orqanlarının əməkdaşları Tülər kəndinə gedblər. Rayon rəhbəri tezliklə məktəbin yanmış mərtəbəsinin bərpa olunacağını deyib. Kollektivə və valideynlərə bildirilib ki, Təhsil Nazirliyinə məlumat verilib, qısa vaxt ərzində nazirliyin tikinti briqadası bərpa-təmir işlərinə başlayacaq.
Xoşbəxtlikdən yanğın dərsdən sonra baş verdiyindən xəsarət alan olmayıb. Yanğının odun sobasının dam bacasından və ya elektrik naqillərinin qısa qapanmasından baş verdiyi ehtimal edilir.
