Rusiya gəmiləri ABŞ esminetsini izləyir
Amerikalı esminetsini “Vasiliy Bıkov” patrul gəmisi və “İvan Xurs” kəşfiyyat gəmisi müşahidə edir.
Rakus.az xəbər verir ki, Rusiya gəmiləri Qara dəniz hövzəsinə daxil olan ABŞ-ın Hərbi Dəniz Qüvvələrinə məxsus “Ross” esminetsini izləyir. Bu barədə Rusiya Müdafiə Nazirliyi məlumat yayıb.
Məlumatda qeyd olunur ki, Qara dəniz hövzəsinə daxil olduqdan sonra “Ross”u donanmanın sahil radio-texniki vasitələri nəzarətə götürüb. Bundan əlavə, Amerika esminetsini “Vasiliy Bıkov” patrul gəmisi və “İvan Xurs” kəşfiyyat gəmisi müşahidə edir.
Son illər Rusiya öz sərhədləri yaxınlığında NATO-nun indiyə qədər görülməmiş aktivliyi ilə üzləşir. NATO bunu “Rusiya aqresiyasının saxlanılması” adlanır. Bu arada Kremldə vurğulanır ki, Moskva digər ölkələr üçün təhdid deyil, lakin onun maraqları üçün təhlükə olan hərəkətləri cavabsız qoymayacaq.
