Sənətimlə sizi çırpıram, döyürəm, şillələyirəm… - VİDEO
“İstəyərəm ki, Tahir bir bəstəkar nəvəsi kimi danışsın. Həqiqəti deməkdən qorxursunuz? Söyləyin ki, Elza gözəl bəstəkardır, yazdığı əsər şedevrdir”.
Rakus.az xəbər verir ki, bu sözləri Əməkdar artist Elza Seyidcahan Əməkdar artist Tahir İmanovun onu tənqid etməsinə cavab olaraq, “MTV Azərbaycan” kanalında qonaq olarkən deyib.
E.Seyidcahan T.İmanovun ittihamlarla dolu çıxışına sərt reaksiya bildirib: “Sənətimlə sizi çırpıram, döyürəm, şillələyirəm, danışdırıram. Həqiqəti deməkdən qorxursunuz, acizsiniz. Tahir deyib ki, oxuduğu mahnı ilə Motsartı iki dəfə qəbirdə fırladıb.
Elza Motsartı söyüb? Əslində, deyirlər ki, ölünü söyəndə qəbirdə fırlanır. Qruplaşma yaradanlar var, paxıllar.
Onlar yəqin yatdıqları yerdə fırlanıblar. Hətta kəlləmayallaq da aşıblar. Motsartın yerinə siz fırlanmamısınız ki, Tahir İmanov? Siz neçə dəfə fırlandınız?”
Xatırladaq ki, T.İmanov canlı yayımların birində E.Seyidcahanın ünvanına bu sözləri deyib:
“Yəqin toyda da Elza xanım onlayn şəkildə mahnı oxuyacaq. Onlayn toy, onlayn eyyyy…(qəhqəhə çəkir). Təsəvvür edin ki, karantin bitəndən sonra Elza Seyidcahanın yeni “Evdə qal” mahnısı nəyə çevriləcək?
“Evdən çıx, evdən çıx, evdən çıx çıx çıx çıx…” Qeyri-adi ifa idi. Amma öz aramızdır, Motsart iki dəfə qəbirdə fırlandı. Gözəl insandır, heç kimi təhqir etmir, əhval-ruhiyyəmizi qaldırır. Bizə razılıq versə, növbəti yayımın qonağı Elza Seyidcahan olacaq”.
