Əməkdar artist oxudu və Xalq artistinə söz atdı - VİDEO
Əməkdar artist Sevda Ələkbərzadə ötən gün “Sən yadıma düşəndə” adlı ifasını yenidən səsləndirərək sosial media hesabında yerləşdirib.
Rakus.az xəbər verir ki, sənətçi paylaşımında Xalq artisti Tünzalə Ağayevaya və koronavirusla bağlı mahnı oxuyan digər ifaçılara söz atıb:
“Biz sizə koronavirus haqqında mahnı oxumaq istəmədik, çünki o buna layiq deyil. Evdə qalmaq haqqında da mahnı oxumaq istəmədik. Sadəcə, bu çətin günlərdə əhvalınızı yüksəltmək, evdə qaldığınız günləri bir qədər maraqlı etmək istədik. Hamınız mənim ifamda Elza İbrahimova və Dəmir Gədəbəylinin “Sən yadıma düşəndə” mahnısını çox sevirsiniz.
Ona görə əziz dostum, neçə illər birgə çalışdığım peşəkar pianoçu, tanınmış musiqiçilərlə dünya konsert səhnələrini paylaşan, hazırda Londonda yaşayan Əməkdar artist Elçin Şirinovla birgə bu mahnı ilə karantindəki günlərinizə rəng qatmaq istəyirik”.
Xatırladaq ki, “Evdə qal” adlı layihədə T.Ağayevadan başqa Əməkdar artist Lalə Məmmədova, müğənnilər Zamiq Hüseynov, Murad Arif və Xəyyam Nisanov da iştirak edib.
