“Sevda moda evi açır…”
Müğənni Sevda Yahyayeva şəxsi biznesini qurmaq fikrindədir.
Rakus.az xəbər verir ki, ifaçı bu barədə “MTV Azərbaycan”a müsahibəsi zamanı deyib.
Pandemiya ərəfəsində toyların olmamasından, gəlirinin azalmasından gileylənən Sevda bildirib ki, moda evi açmağı planlaşdırır:
“Bundan sonra gərək biznes haqqında da düşünəm. Çünki hazırda yalnız müğənniliklə qazanc əldə etmək mümkün deyil. Əlbəttə, bütün dünyada bu belədir. Böyük bir biznes qurmaq fikrində deyiləm. Özümə məxsus bir atelyem olsun istəyirəm. O moda evində gözəl geyimlər tikilsin. Məni sevən insanlar oradan geyim əldə edə bilsinlər. Həm də, hər zaman öz brendimi geyinim. Belə bir fikrim çoxdan var idi. Amma deyirdim ki, yox, ifaçılıqdan gəlir əldə etməyim bəsimdir. Amma indi görürəm ki, onu da etmək lazımdır. Düzdür, elə bir sahədir ki, belə bir vəziyyətdə o da işləməyəcək. Gələcəkdə belə bir işim olarsa, mənə müraciət edən hər kəsə kömək edərəm”.
