Suriya ordusu şimal-qərb bölgəsindən dəhliz açdı
Suriyanın hökumət qüvvələri ölkənin üsyançıların nəzarətindəki şimal-qərb bölgəsini tərk etmək istəyənlər üçün dəhliz açıb.
Rakus.az xəbər verir ki, dövlət mediasının bildirdiyinə görə, ordunun son günlər üsyançıların İdlib və Həmadakı mövqelərinə havadan və qurudan etdiyi hücumlar on minlərlə insanın Türkiyə sərhədinə doğru qaçmasına səbəb olub.
Avqustda qısa sürən atəşkəsdən sonra Rusiyanın dəstəklədiyi Suriya ordusu 2014-cü ildən bəri İdlib əyalətinin üsyançıların nəzarətində olan bir şəhərinə daxil ola bilib.
BMT-nin bildirdiyinə görə, aprel ayının sonlarında hücumlar başlayandan bəri yüzlərlə insan ölüb, 500 mindən çox insan evindən qaçıb.
İnsanların əksəriyyəti üsyançıların cəmləşdiyi yerlərə və sərhədə doğru, 300,000 isə hökumətin nəzarətindəki bölgələrə qaçıb.
