“Azərişıq” ASC işğaldan azad edilmiş ərazilərin elektrik enerjisi ilə təchizatı istiqamətində işləri davam etdirir.
Rakus.az xəbər verir ki, ASC-dən verilən məlumata görə, Cəbrayıl rayonundan sonra Şuşada da qurumun hesabına işıq yanmağa başlayıb.
Bunu Şuşa məscidinin işıqlandırılması ilə bağlı yayılmış kadrlardan görmək mümkündür.
“Ali Baş Komandanın rəhbərliyi altında işğaldan azad edilmiş ərazilərimizin dayanıqlı və keyfiyyətli elektrik enerjisi təchizatının yaxşılaşdırılması istiqamətində işlər davam etdirilir.
Yaxın günlərdə digər ərazilərimizdə də Azərbaycan işığı yanacaq. Qarabağ Azərbaycandır!”, – “Azərişıq”dan bildirilib.
