TEXNOXƏBƏR: Dünyanın ən güclü superkompüteri yaradılır
AMD və Cray üç il ərzində (2021-2022-ci illərdə maşının işləyəcəyini vəd edirlər) təkcə ABŞ-da deyil, bütün dünyada ən güclü superkompüter yaratmaq istəyirlər.
Rakus.az xəbər verir ki, onun adı Frontier olacaq. Layihə ABŞ Enerji Departamentinin (DOE) və Okridc Milli Laboratoriyasının dəstəyi ilə həyata keçiriləcək. Maşın nəinki böyük hesablama gücünə malik olacaq, həm də yeni nəsil süni intellekt ilə təchiz olunacaq.
Yeni superkompüterin gücünün təxminən 1,5 eksaflopsdan çox olacağı bildirilib. Başqa sözlə, bir saniyədə təxminən 1.5 kvintillion (1.500.000.000.000.000.000) hesablama əməliyyatlarını həyata keçirə biləcək. Maşını Tennessi ştatının Universitetinin Ok-Ridc Milli Laboratoriyasında qurulması planlaşdırılır.
“Frontierin rekord gücü, ölkəmizə dünya elmində liderlik etməyə imkan verəcək və amerikalıların, eləcə də bütün dünyanın həyatının və iqtisadi rifahının çiçəklənməsini təmin edəcək “, ABŞ-ın Enerji naziri Rik Perri bildirib.
Onun sözlərinə görə, Birləşmiş Ştatlar superkompüterlərin inkişafı ilə məşğul olan Çinin də bu istiqamətdə üstünlük göstərməməsi üçün daha güclü kompüterlər yaratmağa məcburdur.
Frontier superkompüterinin mərkəzi prosessorları olaraq, ixtisaslaşdırılmış AMD EPYC çipləri istifadə ediləcək. Onları Radeon Instinct professional qrafik prosessorları ilə yeni bir sistemdə istifadə etmək planlaşdırılıb.
Onlarla yanaşı, yüksək sürətli daxili birləşmə – aşağı gecikmeli hər düyündə dörd GPU və bir CPU birləşdirən Infinity Fabric interconnecti istifadə olunacaq
“The Verge” portalında qeyd edildiyi kimi, sistem, internet şəbəkəsindən orta hesabla 24,000,000 qat daha yüksək olan ötürücülük qabliyyəti sayəsində inanılmaz miqdarda məlumatı çox tez emal edə biləcək. Bir saniyədə sistem, məsələn, 100.000 HD formatlı filmi emal edəcək. Əlbəttə ki, belə məqsədlər üçün maşını istifadə etməzlər – o daha çox ABŞ hökumətinin maraqlarına uyğun olaraq elmi və digər tədqiqatlar üçün istifadə ediləcək.
Frontier superkompüteri təxminən 680 kvadrat metr sahəni tutacaq və bu, demək olar ki, iki basketbol meydanının sahəsinə bərabərdir. Onda 150 kilometrlik müxtəlif kabellərdən istifadə ediləcək.
Hal-hazırda dünyanın ən güclü super-kompüteri IBM Summit-dir. Keçən ilin iyun ayında istifadəyə verilb. Eyni Ok-Ridc Milli Laboratoriyasında yerləşib. Kompüterin hesablama gücü 122.3 PFLOPS-dur. 9216 22 IBM POWER9 nüvə prosseorunun və 27.648 NVIDIA Tesla V100 grafik prosessorunun bazasında qurulub.
