TEXNOXƏBƏR: Notr Damı söndürməkdə dronlar və Colossus robotu yardımçı oldu
Notre Dame kilsəsində dağıdıcı atəş ilə əlaqədar Fransa faciədən qurtarıldığı kimi, yanğın necə başladığı və necə mübarizə edildiyi ilə əlaqədar detallar ortaya çıxıb.
Rakus.az xəbər verir ki, 500-ə yaxın xilasetmə qrupuna kömək etmək üçün bir sıra texnologiyalar, o cümlədən dronlar və Colossus (Koloss) adlı yanğın robotları cəlb edilib.
Kamera ilə təchiz olunmuş DJI Mavic Pro və Matrice M210 dronları yanğının intensivliyi, yanan ərazilərin yerləşməsi və yanğının yayılması barədə real vaxt rejimində məlumatlar əldə etməkdə yanğınsöndürmə briqasına kömək ediblər.
Bildrmək lazımdır ki, dünya miqyasında bir çox yanğınsöndürmə briqadaları öz fəaliyyətlərində onlardan istifadə edirlər. Belə ki onların, xüsusilə, sürətlə yerləşdirilməsinin mümkünlüyü, həmçinin universallığı və əməliyyat xərclərinin vertolyotlarla müqayisədə daha ucuz olması onlara üstünlük verir.
Öz növbəsində, robot Colossus yanan bina içərisində yanğınla mübarizə aparmağa kömək edib, çünki yanğının intensivliyi kafedralın yuxarı hissəsindəki ağır ağac kütləsinin düşməsi və içəridə olan hər kəsə ziyan vurma riskini artırıb.
500 kiloqram ağırlığında olan robot Fransız texnologiya şirkəti Shark Robotics tərəfindən yaradılıb. O, uzaqdan nəzarət edilə bilən motorlu su topu, eləcə də operatora hərtərəfli baxışı təmin edən 360 dərəcə görünüşlü, 25x zoomlu və termal görüntüləmə imkanı yüksək olan kamera ilə təchiz olunub .
Colossus, əlbəttə ki, çox yavaş hərəkət edir – saatda yalnız 3,5 kilometr (3,5 km / saat) sürətə çata bilir – robotun ərazi içində hər bir maneəni aşma qabiliyyəti onu Paris yanğınsöndürmə briqadası üçün əvəzolunmaz bir vasitə edib.
