TEXNOXƏBƏR: Süni intellekt beyin siqnallarını insan nitqinə çevirir – özünüz dinləyin - VİDEO
Gələcəkdə lal insanlar beyninin fəaliyyətini sintez edilmiş səsə çevirən cihazlar sayəsində sərbəst və aydın sözlər söyləyə biləcəklər.
Rakus.az xəbər verir ki, San-Fransiskoda Kaliforniya Universitetinin tədqiqatçıları bu yaxınlarda həmin texnologiyanı inkişaf etdirmək üçün böyük bir addım ataraq, süni intellektə düşüncəni oxumadan insanın dodaqlarının hərəkətlərini təhlil edərək səsləri təkrarlamasına imkan veriblər. Nəticə təsirli olub – sintez edilmiş səs eşidilib.
İnsan səs çıxara bilməsə belə, ağız hərəkətlərini zehni və ya fiziki şəkildə əks etdirdiyində cihazın çalışacağı gözlənilir. İnsan beyninin hansı bölgələrinin ağızın müəyyən hərəkətləri ilə aktivləşdiyini anlamaq üçün tədqiqatçılar testə beş könüllü cəlb ediblər. Və uşaq hekayələrindən kiçik hissələr oxunub – bu proses zamanı onların beynində yerləşdirilmiş elektrodlar onların aktivliyini oxuyublar.
Nəticədə, tədqiqatçılarda iki neyron şəbəkə alınıb: birincisi, dodaqların hərəkətləri ilə beynin siqnallarını əlaqələndirib, ikincisi isə bu hərəkətləri sintez edilmiş sözlərə çevirib. Könüllülər həqiqətən cümlələrin hissələrini təkrarlaya biliblər – sintez olunan sözlərin təxminən 69% -ni asanlıqla anlamaq mümkün olub. Digər tədqiqatlarda olduğu kimi, cümlələr nə qədər qısa olubsa, nəticələr də o qədər dəqiq alınıb.
Tədqiqatçılar çətin maşın öyrənmə alqoritmlərinin və elektrodları daha sıx şəkildə yerləşdirilmiş beyin implantlarının istifadəsi ilə texnologiyanı təkmilləşdirə bilərlər. Müxtəlif araşdırma iştirakçılarının beyinlərinin reaksiyaları arasında ümumi xüsusiyyətlərin tapılması gələcək nitq sintezi cihazlarının hər bir şəxs üçün asanlıqla uyğunlaşdırıla bilən olacağını göstərib. Həmçinin, tədqiqatçılar müəyyən ediblər ki, süni intellekt bəzən öyrənmədə istifadə edilməmiş səsləri də tanıyıb və bu da böyük ümidlərə səbəb olub.
