Tramp Meksikanı fəlakətə sürükləyir – TƏHLİL
Meksikanın ticarət əlaqələri üzrə müzakirəçisi ABŞ Prezidenti Donald Trampın miqrant böhranına görə ABŞ-ın ticarət tariflərini artıracağı ilə bağlı təhdidini “çox ciddi” adlandırıb.
Rakus.az xəbər verir ki, Meksika rəsmisi bildirib: “Əgər ABŞ artan tarifləri tətbiq edərsə, bu, “fəlakətli bir şey” ola bilər”.
“Xəbəri indicə oxudum. Bu, fəlakətli bir şeydir. Çünki, əgər bu baş versə, nəticəsi çox ciddi və ağır ola bilər. Eyni zamanda heç kəs üçün də sirr deyil ki, prezident Donald Tramp “Twitter”dən çox aktiv istifadə edir”, – Meksika Xarici İşlər nazirliyinin Şimali Amerika üzrə məsləhətçisi Hesus Sade deyib.
Donald Tramp cümə axşamı yazdığı tvitində Mərkəzi Amerikadan gələn qanunsuz miqrasiya ilə daha effektiv mübarizə aparmaq üçün iyunun 10-undan etibarən Meksikadan idxal olunan bütün məhsullara 5 faizlik tarif əlavə ediləcəyini bildirib.
D.Tramp həmçinin oktyabr ayına qədər 25 faizə qədər arta biləcək tariflərin razılıq əldə edildikdən sonra aradan qaldırılacağını vurğulayıb.
ABŞ Prezidenti Meksika hökumətini Birləşmiş Ştatlara həmin ölkə vasitəsilə gələn mühacirlərin qarşısını almamaqda ittiham edir.
