Türkiyə qaçqınlar üçün məskunlaşdırma layihəsi hazırlayır
Suriyanın “təhlükəsiz zona” adlandırılan şimal-şərqində Türkiyənin 1 milyon qaçqın üçün inşa edəcəyi layihə $27 milyard dollara başa gələcək.
Rakus.az xəbər verir ki, Prezident Rəcəp Tayyib Ərdoğan bu həftə Birləşmiş Ştatların Baş Assambleyasında çıxışı zamanı Türkiyənin Birləşmiş Ştatlarla birlikdə qurmaq istədiyi bölgəni və qaçqınların yerləşdiriləcəyi yerləri göstərəcək bir xəritə nümayiş etdirib.
Türkiyə Suriyanın şimal-şərqindəki 400 km-lik çox sərhəd boyunca 32 km sahəni əhatə edəcək “təhlükəsiz zona” yaradılmasına çalışır.
İlkin plana əsasən, Ankaranın təhdid olaraq gördüyü Suriyadakı kürd qüvvələri sərhəddən sıxışdırıb çıxarılmalı idi. İndi həmin regionda Türkiyədəki 3.6 milyon suriyalı qaçqının 1 milyonu üçün evlər tikiləcək.
NATO-nun iki müttəfiqi sərhəd bölgəsinə quru və havadan nəzarətə başlamasına baxmayaraq, Türkiyə ABŞ-ın çox yavaş hərəkət etdiyini və belə gedərsə, təktərəfli hərəkət edəcəyi barədə xəbərdarlıq edib.
Bu həftə Nyu Yorkda BMT Baş Assambleyasının toplantısından qayıdan prezident Rəcəp Tayyib Ərdoğan hansı addımların atılacağı barədə qərar verəcəyini deyib.
