“Türklərin milli kimliyi onun folklorundadır” - VİDEO

Qərbi Azərbaycan Xronikası layihəsi çərçivəsində sənətşünaslıq üzrə fəlsəfə doktoru Elçin Əlibəylinin təqdimatında “İrsimiz” rubrikasının növbəti buraxılışı hazırlanıb.

Rakus.az xəbər verir ki, verir ki, “Qərbi Azərbaycan miflərində əski türk inanclarının izi var” adlı buraxılışda filologiya üzrə fəlsəfə doktoru Nailə Əskər Qərbi Azərbaycanda qovut hazırlama, əriştə kəsmə adətləri, qovut, bəzir yağıtürk folklorundan söz açıb.

O, Qərbi Azərbaycan bölgərinin folklorunu fərqləndirən əsas cəhətlərdən, Qara bayramı qeyd etməyin gerçək mənasından danışıb və deyib ki, Qərbi Azərbaycanda türk folklorunun bütün elementləri mövcud olub. Türklərin milli kimliyi onun folklorundadır. Qərbi Azərbaycan miflərində əski türk inanclarının izi var.

Onun sözlərinə görə, evə gələndə birinci damdabacaya salam vermək lazımdır: “Axşam vaxtı həyətə isti su tökmək olmaz. Hal anasından qorumaq üçün qadına doğuş vaxtı qırmızı paltar geyindirmək lazımdır”.

N.Əskər vurğulayıb ki, coğrafi mövqe Qərbi Azərbaycanda türklüyü qorumağa imkan vermişdi: “Qərbi Azərbaycandan gələnlər adətlərini unudurlar. Orada həm əski türk, həm də islam adətləri yaşayırdı. Təzyiqlərə baxmayaraq Qərbi Azərbaycanda aşura günü hər evdə ehsan verilirdi”.

Xatırladaq ki, Qərbi Azərbaycan Xronikası layihəsinin məqsədi tarixi torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri – qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.

Həmçinin Prezident İlham Əliyevin Qərbi Azərbaycanla bağlı dediyi “XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin”, – fikrini əsas tutaraq, Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.

Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.

Veriliş iyulun 19-da saat 19:30-da Baku Tv-nin efirində və saat 21:30-da Youtube kanalında yayımlanıb.