Brilliant Dadaşova Buzovnadan yeni bağ evi aldı - FOTO
Xalq artisti Brilliant Dadaşova yeni bağ evi alıb.
Rakus.az xəbər verir ki, müğənni bu yayı yeni evində keçirib.
Sənətçinin mənzili köhnə bağının yerləşdiyi Buzovna kəndindədir.
Ümumiyyətlə, B.Dadaşova bir müddət əvvəl bağının balaca olmasından şikayətlənmişdi.
Müğənni sosial şəbəkədə video paylaşaraq bağı ilə bağlı yazıb: “Əsas pəncərəm yay-qış açıqdır. Cəmi iki otaq olduğu üçün divanda yatıram. Uşağım divana yerləşmir. Divar kağızlarım cırıq idi, ürəyim sıxılırdı. Özüm divar kağızını cırıb, dəyişdirirəm ki, ürəyim açılsın. Ədalət müəllim (həyat yoldaşı Ədalət Hacıyev – red.) şəhərdə qalır. Çünki onun iş yerinə yaxındır”.
Xalq artisti yeni bağ evi alması xəbərini təsdiqləməsə də, öz bağını satışa çıxardığını bildirib: “Yeni bağ evi almamışam, sadəcə dəyişdirmişəm. Buzovnada yerləşən bağ evimi isə satışa çıxarmışam. Mənə yaxşılıq etmək istəyirsənsə, kömək elə, onu satım. Qoy satdığımı hamı bilsin, gəlib bağı yaxşı qiymətə alsınlar. Satılandan sonra isə yenisini alacağam. Mən istər yayda, istərsə də qışda bağda qalmağı çox sevirəm. Amma təəssüf ki, burada qışda qalmağa imkan və şərait yoxdur. Çünki qışda qalsam, astarı üzündən baha çıxacaq. O qədər maddi vəsait ayırmaq da istəmirəm. Bir sözlə, xərci çoxdur”.
B.Dadaşovanın Buzovnadakı bağ evini hansı qiymətə satmasına gəlincə, Xalq artisti zarafata salıb, suala cavabdan yayınıb: “Almaq istəsən, zəng edərsən, qiyməti deyərəm”.
