Vulkan püskürməsində 16 nəfər öldü - FOTO
Dekabrın 15-də Zelandiya polisi bəyan edib ki, ölkənin şimalında yerləşən Ağ Adada vulkan püskürməsi nəticəsində aldığı yaralardan daha bir nəfər ölüb.
Rakus.az xəbər verir ki, beləliklə, təqribən bir həftə əvvəl baş vermiş təbii fəlakət nəticəsində ölənlərin sayı rəsmi olaraq 16 nəfərə çatıb.
Bazar günü səhər saatlarında vulkanının baş verdiyi əraziyə ikinci dəfə yaxınlaşan xilasedicilər itkin düşdüyü güman edilənlərdən heç birini tapa bilməyiblər. Bununla yanaşı, hərbiçi və polislərdən ibarət dalğıclar dəstəsi də ada ətrafındakı sularda axtarışı davam etdiriblər.
Polisin bəyan etdiyinə görə, həlak olduğu güman edilən iki nəfərin tapılaraq ailələrinə təhvil verilməsi üçün bütün lazımi addımlar atılır.
Bundan əlavə, bazar günü polis vulkan püskürməsi nəticəsində həlak olanların hamısının siyahısını dərc edib.
Xatırladaq ki, Yeni Zelandiyaya məxsus Şimal adasının sahillərindən 50 kilometr məsafədə yerləşən Ağ Ada bu ərazidə yeganə fəal vulkan hesab olunur və hər il buranı minlərlə turist ziyarət edir.
