Yaponiya Baş naziri Vyetnamda səfərdədir
Oktyabrın 19-da Yaponiyanın Baş naziri Yoşihide Suqanın Vyetnama rəsmi səfəri başlayıb. Bu, Y.Suqanın Baş nazir vəzifəsini tutmasından sonra ilk xarici səfəridir.
Rakus.az xəbər verir ki, həmin gün Yaponiyanın Baş nazirinin Hanoyda vyetnamlı həmkarı Nguyen Xuan Phukla görüşü nəzərdə tutulur.
Y.Suqa Vyetnama bazar günü gəlib. Onun Hanoyda Yaponiyanın Cənub-Şərqi Dövlətlər Assosiasiyası (ASEAN) ilə siyasəti barədə mühazirə oxuyacağı da bildirilir. Gələn aydan ASEAN-a Vyetnamın sədrlik dövrü başlanır.
Vyetnamın Baş naziri ilə görüşdə müzakirə ediləcək məsələlərə gəlincə isə, Y.Suqa azad və açıq Hin-Sakit okean regionunun yaradılması üçün bu ölkə ilə əməkdaşlığı təsdiq etmək niyyətindədir.
Bununla yanaşı, Y.Suqanın Vyetnamla təhlükəsizlik sahəsində əməkdaşlığı gücləndirmək istiqamətində müzakirələr aparacağı da bildirilir. Liderlərin Vyetnama yeni hərbi texnikanın verilməsi və texnoloji əməkdaşlıq məsələlərini müzakirə edəcəyi də gözlənilir.
Yaponiyanın Baş naziri Vyetnamla iqtisadi əməkdaşlığı da gücləndirməyə çalışır. Belə ki, Yaponiya koronovirus pandemiyası dövründə bu ölkəyə tibbi maskaların və digər məhsulların çatdırlması zəncirini möhkəmlənidrmək istəyir.
Eyni zamanda, liderlərin iki ölkə arasında işgüzar səfərlərin bərpası ilə bağlı fikir mübadiləsi aparacağı da bildirilir.
