YENİLƏNDİ: Yanğın zamanı xəsarət alan olmayıb – FHN
Bakıda Xətai rayonu, S.Vəzirov küçəsində çoxmərtəbəli yaşayış binasında baş verən yanğın zamanı xəsarət alan olmayıb.
Rakus.az xəbər verir ki, bu barədə Fövqəladə Hallar Nazirliyinin məlumatında deyilir.
Bildirilir ki, “112” qaynar telefon xəttinə, Bakı şəhəri, Xətai rayonu, S.Vəzirov küçəsində çoxmərtəbəli yaşayış binasında yanğın olması barədə məlumat daxil olub.
Dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.
Yanğın söndürülüb və xəsarət alan yoxdur.
10:44
Xətai rayonunun Süleyman Vəzirov küçəsi 17 ünvanında çoxmərtəbəli yaşayış binasında baş verən yanğın söndürülüb.
Rakus.az xəbər verir ki, Fövqəladə Hallar Nazirliyindən verilən məlumata görə, alovun qarşısı nazirliyin Dövlət Yanğından Mühafizə Xidmətinin yanğından mühafizə bölmələri tərəfindən alınıb.
10:17
Bakıda Xətai rayonu, S.Vəzirov küçəsində çoxmərtəbəli yaşayış binasında yanğın başlayıb.
