YENİLƏNDİ: Fransa səfirliyi qarşısında aksiya - VİDEO
Bu gün Fransanın Azərbaycandakı səfirliyinin qarşısında keçirilən aksiyada iştirakçılar iki ölkə arasındakı münasibətlərə yenidən baxılmasını tələb ediblər.
Rakus.az xəbər verir ki, aksiya iştirakçıları ötən gün Fransa senatının qəbul etdiyi qətnamənin ATƏT-in Minsk qrupunun üzvü olan Fransanın vasitəçilik missiyasına uyğun olmadığını bildiriblər.
Səfirlik qarşısına toplaşan insanlar qəti şəkildə Fransa senatının belə bir mövqe bildirməsini pisləyib. Eyni zamanda ATƏT üzvlərinin Fransanın vasitəçilik missiyasına yenidən baxılması məsələsi irəli sürülüb. Bundan sonra Fransa ilə Azərbaycan arasında münasibətlərin əvvəlki kimi olmayacağını səsləndirən aksiya iştirakçıları, hətta diplomatik əlaqələrin yenidən gözdən keçirilməsi ilə bağlı şüarlar səsləndiriblər.
12:22
Fransanın Azərbaycandakı səfirliyi qarşısında aksiya keçirilir.
Rakus.az xəbər verir ki, aksiyada iştirak edənlər Fransa Senatının qondarma “Dağlıq Qarabağ respublikası”nın tanınması haqqında qəbul etdiyi qətnamənin qəbul edilməsinə etirazlarını bildiriblər.
