Zelenski Rusiyanın qaytardığı gəmiləri qarşıladı
Ukrayna Prezidenti Volodimir Zelenski cümə axşamı səhər erkən saatlarda Rusiya tərəfindən Kerç boğazında, təxminən, bir il əvvəl ələ keçirilən və geri qaytarılan Ukrayna gəmilərini qarşılayıb.
Rakus.az xəbər verir ki, iki silahlı gəmi və bir yük maşını 2018-ci ilin noyabrın 25-də Qara dənizi Azov dənizi ilə birləşdirən Kerç boğazından keçərək Mariupoldakı limanlarına gedən zaman Rusiya sahil mühafizəçisi tərəfindən saxlanılıb.
Oçakiv limanında gəmiləri araşdırdıqdan və heyəti salamladıqdan sonra Zelenski gəmilərin avadanlıqlarının bir hissəsinin əskik olduğunu deyib.
“Daha ətraflı məlumat alacağıq və Rusiyadan əskik olan hər şeyi qaytarmağı xahiş edəcəyik” , Zelenski deyib.
Rusiya Ukraynanın üç hərbi gəmisini noyabrın 18-də buraxıb.
Gəmilərin təslimi Qara dənizin neytral sularında baş verib.
Gəmilərin ekipajları sentyabr ayının əvvəlində məhbus mübadiləsi çərçivəsində sərbəst buraxılıb.
