Azərbaycanın milli aviadaşıyıcısı (AZAL) Kubanın paytaxtı Havanadan Bakıya xüsusi reys yerinə yetirdi.
Rakus.az xəbər verir ki, AZAL-dan verilən məlumata görə, noyabrın 6-sı təşkil olunan xüsusi reyslə Azərbaycan hökumətinin dəvəti ilə Kubadan Azərbaycana 120 həkim çatdırılıb.
Kubadan gələn peşəkar həkimlər Azərbaycan həkimləri ilə birgə COVID-19 pandemiyasına qarşı mübarizə tədbirlərində iştirak edəcəklər.
Xatırladaq ki, bu ilin iyul ayında “Azərbaycan Hava Yolları” artıq belə bir reys həyata keçirmişdir və həmin reyslə Havanadan Bakıya koronavirus infeksiyasına qarşı mübarizədə kömək göstərmək üçün bir qrup Kubalı həkim gəlib.
Aviauçuş genişfüzelyajlı “Boeing 787” tipli təyyarə vasitəsilə həyata keçirilib.
Uçuş 13 saat davam edib, Azərbaycan və Kubanın paytaxtları arasındakı məsafə 11 880 km. təşkil edib.
