Səudiyyə Ərəbistanı sərhədlərini 1 həftəlik bağladı
Səudiyyə Ərəbistanı səlahiyyətliləri koronavirusun mutasiyasına görə beynəlxalq hava əlaqələrini tamamilə dayandırmağa, quru sərhədlərini və dəniz limanlarını bağlamağa qərar verib.
Rakus.az xəbər verir ki, krallığın Daxili İşlər Nazirliyinin məlumatına görə, məhdudiyyət bir həftə ərzində qüvvədə qalacaq:
“Hökumət Səhiyyə Nazirliyinin bir sıra ölkələrdə yeni koronavirus ştamının yayılması ilə əlaqədar məlumatlarına əsaslanaraq, bu virusun mahiyyəti barədə məlumatlar aydınlaşana qədər əhalinin təhlükəsizliyini təmin etmək üçün xüsusi hallar istisna olmaqla bütün beynəlxalq uçuşların dayandırılmasına qərar verib”.
Səudiyyə Ərəbistanına qayıdanlar iki həftə təcrid olunmalı və koronavirus testindən keçməlidirlər.
Son üç ayda ölkəyə gələnlər anticisim testi verməlidirlər.
