Bayden İrana heç bir ismarış göndərməyib
İran ABŞ-ın yeni seçilmiş Prezidenti Cozef Baydendən ölkəsinin nüvə sazişinə qayıdacağı ilə bağlı heç bir mesaj almayıb.
Rakus.az xəbər verir ki, bunu İran hökumətinin rəsmi nümayəndəsi Əli Rabii brifinq zamanı bildirib.
Onun sözlərinə görə, rəsmi Tehran ABŞ-ın yeni hökumətinin tərəflər arasında qarşılıqlı etimadın bərpa olunması istiqamətində səy göstərəcəyinə ümid edir.
“Baydenin komandasından heç bir mesaj almamışıq. Biz ABŞ-ın qeyd-şərtsiz öz öhdəliklərinin icrasına qayıdacağı təqdirdə, onlara əməl edəcəyinə əmin olmadıqca, danışıqlar mənasızdır”, – İran rəsmisi bildirib.
Xatırladaq ki, bir qədər əvvəl İsrail mətbuatında yayılan xəbərlərə görə, Baydenin adından bəzi rəsmi şəxslər ABŞ-ın nüvə sazişinə qayıtması şərtləri haqqında İranla danışıqlar aparırlar.
