Ukrayna-Rusiya sərhədindəki vəziyyət müzakirə edildi
NATO-ya üzv ölkələrin Ukraynadakı səfirləri Ukrayna-Rusiya sərhədində yaranan gərginliyi müzakirə etmək üçün təcili olaraq toplanıblar.
Rakus.az xəbər verir ki, bunu Alyansın məmuru bildirib.
NATO-nun sözçüsü deyib ki, Rusiya Ukraynanın şərqindəki sülh səylərini alt-üst edir: “Rusiyanın sabitliyi pozan hərəkətləri gərginliyin azalması səylərinə xələl gətirir”.
Vurğulanıb ki, müttəfiqlər Rusiyanın Ukrayna və ətrafındakı son genişmiqyaslı hərbi fəaliyyətlə bağlı narahatlıqlarını bölüşüblər: “Üzv ölkələr də Rusiyanın 2020-ci ilin iyulunda əldə edilən razılıq əsasında tətbiq olunan atəşkəs rejiminin ötən həftə Ukraynanın 4 hərbi qulluqçusunun ölümü ilə pozulması narahatedici məsələlərdəndir”.
Xatırladaq ki, Rusiya Ukrayna ilə sərhədə 58 taktiki batalyon cəlb edib.
